Аннотация: Әлем елдерінде болып жатқан күрмеуі шешілмеген, толғақты мәселелерге биік парасат тұрғысынан қарап, жазушы ретінде өзіндік үн қосқан Кобо Абэ романдарында негізінен адам мен қоғам, адамзат пен буржуазиялық қоғам арасындағы тартыс кеңінен суреттеліп отырады. Жапон жұртшылығының дәстүрлі көзқарасына қарама-қайшы келетін, яғни табиғат пен адам арасындағы гармонияның бұзылуын, абсурдтық әлемді суреттей отырып жазушы өз кейіпкерлерінің стихиямен күресін шебер бейнелеп бере алған. Автор адамның басына қиындық түскендегі жалғыз үміт – шығармашылық құдіретін көрсетеді. Кейіпкерлерінің табандылығы, шексіз күресі арқылы автор кез келген адам өзі өмір сүріп отырған қоғамын өзгертуге, жақсартуға ықпал ете алатындығын түсіндіруге тырысады.